Jafnréttisstefna

Langisjór greiðir starfsmönnum sínum jöfn laun óháð kyni, í samræmi við lög um jafna stöðu og jafnan rétt kvenna og karla. Fyrirtækið tryggir að starfsmenn njóti sömu kjara fyrir sömu eða jafnverðmæt störf, samkvæmt Jafnlaunastaðli IST 85:2012.

1. Ábyrgðaraðili

• Mannauðsstjóri Langasjávar ber ábyrgð á jafnlaunastefnu fyrirtækisins.

• Framkvæmdastjóri sér um launaákvarðanir í samstarfi við mannauðsstjóra og tryggir að allar ákvarðanir séu í samræmi við jafnlaunastefnuna.

2. Launaendurskoðun

• Mannauðsstjóri fer yfir laun starfsmanna einu sinni á ári með framkvæmdastjóra. Markmið yfirferðarinnar er að tryggja að Langisjór fylgi eftir jafnlaunastefnu og að samræmi sé í öllum launagreiðslum.

3. Launaákvarðanir

Allar launaákvarðanir byggja á og eru í samræmi við kjarasamninga og starfslýsingar sem lýsa þeim kröfum sem gerðar eru til viðkomandi starfs. Laun eru ákvarðuð með hliðsjón af eftirfarandi þáttum:

• Menntun

• Starfsreynslu

• Ábyrgð

• Frumkvæði

• Vinnuaðstæðum

Langisjór tryggir jöfn tækifæri fyrir alla starfsmenn óháð kyni og vinnur að því að koma í veg fyrir kynbundinn launamun.

4. Markmið og útfærsla

Til að ná þessum markmiðum mun Langisjór:

• Innleiða og viðhalda vottuðu jafnlaunakerfi byggðu á Jafnlaunastaðli IST 85:2012.

• Fylgja viðeigandi lögum og reglum sem í gildi eru á hverjum tíma.

• Framkvæma árlega launagreiningu, þar sem borin eru saman sömu eða jafnverðmæt störf, til að tryggja að kynbundinn launamunur sé ekki til staðar.

• Greina niðurstöður launagreiningar með stjórnendum og kynna þær fyrir starfsmönnum.

• Bregðast við óútskýrðum launamun með stöðugum umbótum og eftirliti.

• Gera innri úttekt og láta stjórnendur rýna stefnuna árlega.

• Gera stefnuna aðgengilega almenningi á vefsíðu fyrirtækisins.

Langisjór vinnur markvisst að því að tryggja jafnrétti og samræmi í öllum launagreiðslum og að veita starfsfólki jafna tækifæri óháð kyni.